Күч, кысым, алгырлык, жана да тайманбаган ат, адреналиндин чоң дозасы. Көк бөрү ойнош үчүн ушулардын бардыгы болушу керек. Кыргызстандын айылдарында ар-бир дем алыш күндөрү эр жүрөк балдар аттарын минип алып, жигиттигин көрсөтүп келишет.
Улуттук көк-бөрү оюну акыркы он жылда кайрадан жанданып, ден соолугун чың кармагысы келгендер үчүн эң сонун оюн болуп калды. Эгер тамеки чексең, аракты көп ичсең, көп кыймылдабай жашасаң анда бул оюн сен үчүн эмес.
Көк-бөрү эч нерседен коркпогон, тагдырга эмес, өз күчүнө ишенген, денеси бекем, жүрөгү курчтардын оюну.
Вячеслав Оселедконун сүрөттөрүндө Чүй областынын Беш-Күңгөй айылындагы көк-бөрү оюнунун айрым ирмемдери чагылдырылган.