Ар-бир дем алыш күндөрү бул жерде эл кайнап турат. Ат-Башы райондук борбордун тургундары тааныштары менен жолугушуп сүйлөшкөнү, анан да бир нерсе сатканы же сатып алганы бул жакка келишет. Семиз койду, же арзан баага асыл тукум кунажынды, же кыздын себи үчүн кооз сандыкты сатып алсаң болот, болбой калды дегенде “Билайндын” жаңы симкасын сатып аласың. Анан да “Халал” пирожкилеринен ооз тийип, акыркы жаңылыктарды угуп, жаңы шалп этмени сатып алсаң болот. Мунун баары эч жакка шашпай, таза абада, кооз табигаттын курчоосунда жасалат. Чыныгы Ат-Башы базарынын боёктору жана жыты менен эч бир соода борбору тең тайлаша албайт.
Вячеслав Оселедконун фотобаяны